El Principáu edita les gloses de la 'Biblia de Danila', monumentu bíblicu del Reinu d'Asturies
AGORA
Esta obra preséntase esti xueves a les 17.00 hores nel Muséu Arqueolóxicu
11 abr 2024 . Actualizado a las 12:10 h.El Principáu y Editorial Impronta publicaron 'Glossae Cavenses. Exéxesis bíblica en la Asturias del siglo IX', coles gloses pertenecientes a la 'Biblia de Danila', monumentu bíblicu realizáu n'Uviéu a empiezos del sieglu IX.
Trátase de la edición completa del corpus de más de quinientes gloses marxinales qu'acompañen el códice bíblicu asturianu del sieglu IX --la Biblia de Danila--, un material testual altomedieval nuna parte grande desconocíu hasta la fecha.
L'anotación marxinal del Cavense permite conocer les corrientes intelectuales dominantes na corte uvieina d'empiezos del sieglu IX, al empar que muestra la manera de llectura y usu d'un códice bíblicu na Europa altomedieval.
Esta obra preséntase esti xueves a les 17.00 hores nel Muséu Arqueolóxicu y l'actu de presentación va incluyir una conferencia de Paolo Cherubini, catedráticu de Paleografía de la Scuola Diplomática Vaticana y de la Universidá de Palermo, espertu mundial n'estudios bíblicos altomedievales. Cherubini, responsable de la edición d'esta obra, ye'l máximu conocedor del códice y estudiosu del mesmu dende hai más de 25 años; informó Europa Press.