L'asociación de reivindicación llingüística indicó qu'anguaño la XDLA fai 40 años, lo que supón «cuatro décades trabayando pa caltener encesa la llucha pola oficialidá»
12 abr 2024 . Actualizado a las 19:09 h.La Xunta pola Defensa de la Llingua Asturiana (XDLA) va entamar la manifestación pola oficialidá del asturianu y del gallego-asturianu'l sábadu 4 de mayu viniente a les 12.00 hores n'Uviéu, con salida de la Estación del Norte.
«Yá s'acolumbra la Selmana les Lletres, como cada añu dende 1987, convocamos a la ciudadanía a reivindicar unos derechos que nos nieguen», indicó la organización nun apunte nes sos redes sociales recoyíu por Europa Press.
Nesi sentíu, l'asociación de reivindicación llingüística indicó qu'anguaño la XDLA fai 40 años, lo que supón «cuatro décades trabayando pa caltener encesa la llucha pola oficialidá».
Nel apunte nes sos redes sociales, la XDLA punxo'l cartel de la manifestación d'anguaño, con una composición que recuerda los de manifestaciones d'otros años pa conmemorar, asina, les cuatro décades de la organización.